Mana suj yanasu chincanáypaj, payhuan ʼrimanáych tian. Payta uyaripúych y pay nockaychta uyariáych. Sujcunatapas paymanta allít ʼrimaycu. Quiquin can, si mana Diushuan amistadninta chinckayta munáych. Biblia nisckanta ckáay, imát cay asuntuan ʼruanáych tian.

Cutis cutis Jehovát ʼrimayta. “Oraciunpi perseveraychis” (Romanos 12:12).

Diuspa ʼRimaynin leeyta, Bibliacka. “Túcuy Escriturát Diusmanta inspirascka can y ancha útil yachachíypaj, añáypaj, cosasta allicháypaj” (2 Timoteo 3:16).

Diusmanta sujcunát yachachiyta. “Chayraycu, ʼriychis, y túcuy naciunespa gentenmanta yachachicojcunata ʼruaychis, [...] yachachipucuspa ʼruayta, túcuy cosasta ima nocka cachasorayquichis” (Mateo 28:19, 20).

 Diuspa yanasusman ckayllanchaycuta. “Pi yachayníoj persunasan purishcan, yachayníoj ʼruaconcka” (Proverbios 13:20).

Reinumanta Salonman tantanacúypaj ʼriyta. “Sujan sujan consideracúych, munayman tanckachiáychpaj y ancha súmaj ʼruanasman, [...] sujan sujan sonckochacuspa” (Hebreos 10:24, 25).

Reínup obranta manténej yanapayta. “Sapa suj [ckochun] imaina sonckonpi nipora, mana mana alli ganáyoj ni cachascka ina, imaraycu Diuscka cusiscka ckockojta munan” (2 Corintios 9:7).