Diuscka yanasusnin canaychta munan. ¿Ckam yacharanquichu ima universumanta astaan ancha atun persunamanta yanasu cayta atinqui? Abrahanman, pítaj únay tiempupi causara, Diuspa yanasun nípoj carancu (Santiago 2:23). Biblia suj huarmismanta y ckarismanta ʼriman, ima divina amistadmantapas cusicorancu y ashca bendiciunesta aperancu. Cunan punchau, ashca persunas túcuy mundumanta Diuspa yanasusnin cayta aterancu. Ckampas yanasun cayta atinqui.

Diuspa amistadnin astaan súmaj can, ima amistadcka mayckanpas humanusmanta. Diuscka ni aicappas fielescka yanasusninta casckancunata fallapucun (Salmo 18:25). Astaan súmaj can, Diuspa yanasun cayta, ima riquesasta apiyta. Ckoshckelus huañuptincu, sujcuna ckoshckenhuan cuticuncu. Ichacka, chackaycuna picuna na Diuspa amistadninmanta cusicuncu, suj tesorút apincu ima mana pipas sorckopucuyta atin (Mateo 6:19).

Picunachus cancka Diuspa yachachisusckanta seguinayquita mana munanckancuchu. Mayckan yanasusniyquimanta o aillusniyquimanta chayta ʼruapusuyta atincu (Mateo 10:36, 37). Si pipas ckammanta asicun o amenasasun, tapunácuy: “¿Pita cusichiyta munani hombrestachu o Diustachu?”. Cayta pénsay: si pillapas nisunman ama micunayqui tian, ¿ckam ʼruanquimanchu? Mana á. Causanáychpaj micunáych tian. Ari á, Diuscka ʼruayta atin, ckam unayta causanayquita. Chayraycu, yachaspa seguinayqui tian, imaina Diuspa yanasun cayta atinqui, y mana sackeychu, mana pipas arcasuchun (Juan 17:3).