Satanascka magiát practicanaychta munan. Ashca persunascka, ñaupajpa aillusninman o animasninman sacrificiusta ʼruancu, mana dañút ʼruapucunancunapajchu. Animashuan manchachicusckancuraycu chayta ʼruancu. Cay persunascka magiamanta anillusta o pulserasta apancu. “Yuyusta” upiancu untuan cuerpunta frotacuncu, paycuna creencu, ima chay cosascka magicu atiynincuna apincu. Huaquin persunascka huasincupi cosasta pacancu o pampachancu pensasckancuraycu ima caycuna arcacunancunápaj atiyta apincu. Sujcuna magiamanta “ampista” utilisancu, creesckancuraycu ima chaycka negociusninpi, yáchay huásip pruebasninpi o noviashcaptincu yanapaponckancu.

Ancha súmaj modóyoj Satanasmanta arcacunáychpaj, Jehóvap yanasusnin caspa can. Yaya Jehová y angelesnin, Satanasmantát y supaynincunamantát ancha astaan atiyníoj cancu (Santiago 2:19; Revelación 12:9). Jehová anchát munan, yanasusninta yanapáypaj atiyninta utilisayta, ari, chackaycuna ima páypaj ancha lealescka cancu (2 Crónicas 16:9).

Diuspa Palabran nin: “Ama magiát practicanayquichis tian”. Jehová magiát y brujeriát sentencian, imajraycu, cayta ʼruaspá, Súpay Satanaspa atiyninpi taricunaycuta, pusaaychta atinman (Levítico 19:26).