Si Diuspa yanasusnin cayta munáych, religioncka ima Dios allít ckaan practicanáych tian. Jesús nera, ima “checka adorajcunacka” “checkaan” Diusta adoranancu tian (Juan 4:23, 24). Diusta adoráypaj, sujlla laya can (Efesios 4:4-6). Checka religioncka únay causayman pusan, y llulla religioncka huañuyman pusan (Mateo 7:13, 14).

¿Imaina yachayta atiycu, mayckan checka religioncka can?, ckaaspa persunasta ima checka religiunta practicancu. Jehová alli casckanraycu, checka adorajnincuna alli persunascka canancu tian. Quiquin suj alli tacko naranjumanta, alli naranjasta ckon, checka religioncka alli gentecka canancunát ʼruanan tian (Mateo 7:15-20).

Jehóvap yanasusnin, Bibliata anchát respetancu. Yachancu ima Bibliacka Diusmanta amun. Chayraycu, Bibliata sackencu, causayninpi guiát ckonanta, problemasnincút allichayta, y yanapachun astaan súmaj Diusta ʼrejsinancunápaj (2 Timoteo 3:16). Astaan, imát yachachincu, chayta ʼruáypaj esforsacuncu.

 Jehóvap yanasusnin sujan sujan munacuncu. Jesuscka ckaachera ima gentét munara, Diusmanta yachachispa y onckosckasta ampichispa. Checka religiun practicajcunacka, sujcunatapas munancu. Quiquin Jesuscka, mana huajcha cajcunát ni suj láyap cajnincunát ashckochancuchu. Jesuscka nera, imaina paycunapurapi munanacuncu, gentecka ʼréjsej ʼrincu, picuna paypa discipulosnincút carancu (Juan 13:35).

Diuspa yanasusnin Sutinta honrancu: Jehová. Si pipas sutiychta mana utilisayta munanchu, ¿ckaylla yanasúych canmanchu? Manami. Aícap suj yanasút apíych, sutinmanta huajyáych y sujcunát paymanta sumajta ʼrimaycu. Chayraycu, picuna Diuspa yanasusnin cayta munancu, Sutinta utilisanancu tian y sujcunát paymanta allít ʼrimanancu tian. Jehová chayta ʼruanaychta munan (Mateo 6:9; Romanos 10:13, 14).

Quiquin Jesuscka, Diuspa yanasusnin, Diuspa Reinunmanta gentét yachachincu. Diuspa Reinoncka celestial gobiernút can, ima Ashpamanta suj paraisút ʼruancka. Diuspa yanasusnin, Diuspa Reinunmanta súmaj noticiasta sujcunát yachachincu (Mateo 24:14).

Jehóvap testigosnin Diuspa yanasusnin cáypaj esforsacuncu. Bibliata respetancu y paycunapurapi munacuncu. Diuspa sutintapas utilisancu y honrancu y Diuspa Reinunmanta sujcunát yachachincu. Cunan, Jehóvap testigosnin túcuy Ashpapi checka religiunta practicancu.