¿Pichus mundút cachan?
¿Ninquiman ima can...
-
... Tata Yaya?
-
... ckari?
-
... Súpay?
BIBLIA NISCKANTA
«Túcuy mundu ancha mana alli cajpa atiyninpi tían» (1 Juan 5:19, Traducción del Nuevo Mundo, 2019).
«Chayraycu Tata Yáyap Huaan amora, Supaypa ʼruanasninta, amchi ʼruáypaj» (1 Juan 3:8, Traducción del Nuevo Mundo, 2019).
CAYCKA NOCKÁYSHPAJ IMA NIYTA MUNAN
Unanchasúysh maypi problemas mundumanta ckallarerancu (Apocalipsis 12:12).
Suyaycu suj astaan alli mundu (1 Juan 2:17).
¿BIBLIA NISCKANTA CREÉYPAJ, RASONES TÍAN?
Ari, al menus quimsa:
-
Supaypa gobiernun puchucáypaj condenascka tían. Jehová puchucayllata munan, Supaypa atiyninuan ima humanidarpa saanpi tían. Pay prometen «Supayuan [...] puchucayta y allichayta túcuy dañu ima ʼruara» (Hebreos 2:14).
-
Tata Yaya munduta gobernanánpaj, Jesuscristót ajllara. Jesús mana quiquin can, cunanpa múndup gobernajninmanta pi mana alli trátaj y payllápaj múnaj can. Chayraycu, Tata Yaya Crístop reinúnpaj ʼrúaj ʼrisckanta nin: «Pay cuyacuy apencka muchojmanta y huajchasmanta [...] Ckeshpichiconcka ñutuymanta y huajtajmanta» (Salmo 72:13, 14).
-
Tata Yaya mana llullayta atin. Biblia mana muyus nin ima «Tata Yaya ni aicappas llullayta atin» (Hebreos 6:18). Chayraycu, áicap Jehová imallapas ʼruásaj nin, chayta na ʼruascka ckaayta atiycu (Isaías 55:10, 11). Y pay ʼrúaj ʼrisckanta can, ima «cunan, cá múndup gobernajnin aaman huijchuscka cancka» (Juan 12:31).
TAPUNÁCUY
¿Mundu imaina cancka áicap na mana tiaptin Supaypa atiyninpi?
Biblia contestasckanta tarinqui SALMOPI 37:10, 11 y APOCALIPSISPI 21:3, 4.
Caytapas gustasuyta atinman
NOCKAYCUMANTA
¿Imajchus Bibliát estudiayta?
Biblia túcuy ashpapi ancha ashca ashca persunasta yanapashcan, astaan importantes tapunasnincuta causaymanta respuestasta tariyta yanapashcan. Ckam, ¿suj paycunamanta cayta munanquichu?
NOCKAYCUMANTA
Mañáypaj visitasuchun
’Rímay suj tapunamanta Bibliamanta o astaan apréndey Jehóvap Testigusninmanta.
