¿Invitasorancu huaquin cutis tantacunasman Jehóvap Testigusninmanta? Si ni áicap ʼreranqui sujman tantacunasninmanta, nacha penckacunqui pensas ima ʼrej ʼrinqui huámaj cuti chayman. Chaypachá tapunacunqui: «¿Imát ʼruancu Testigus tantacunasnincupi? ¿Imajchus cancu paycunápaj ancha importantes? ¿Nockapas debeni ʼriyta?». Cá yachachinapi apréndej ʼrinqui ima cá tantacunaspi atinqui sinchiyachiyta amistarniyqui Tata Yayaan y ckamta yanapasuyta.

1. ¿Ímaj tantanacuycu?

Suj escritor Bibliamanta nera mayckan cara rasón tantanacúypaj: «Atun congregaciunpi Jehovata alabásaj» (Salmo 26:12). Cá punchauspipas Testigus Jehovamanta tantanacuncu y chay cusichipucun. Túcuy mundupi sapa semana tantanacuncu cuscas ʼresáypaj y Tata Yayát cantáypaj. Huaquin cutescka huatapi ʼruancu tantacunas astaan atun astaan ashca persunasuan.

2. ¿Imát ʼrinqui aprendes tantacunasniyshpi?

Tantacunaspi ʼrimacun Tata Yáyap ʼrimayninmanta, y chaypi yachachiáysh imát niyta munan túcuy escribiscka tiasckanta (léey Nehemías 8:8). Si ckam ʼrinqui astaan apréndej ʼrinqui Jehovamanta y súmaj cualidaresninta. Áicap astaan yachanqui múnay ima pay apisun, astaan múnaj ʼrinqui yanasun cayta. Astaanpas, yáchaj ʼrinqui imaina pay yanapasuyta atin apiyta suj cáusay proposituan (Isaías 48:17, 18).

3. ¿Imaina yanapasonckancu persunas ima tantacunaspi ʼrejsinqui?

Jehova mañaáysh «pendientes tianayshta suj sujmanta animaáyshpaj y ckaachíypaj múnay y alli llámcay ʼruayta y mana sackes tantanacuyta» (Hebreos 10:24, 25). Tantacunasniyshpi ʼréjsej ʼrinqui persunas ima ashca múnay apinacuncu y ckam ina munancu yachayta astaan Tata Yayamanta. Y chaypé uyárej ʼrinqui palabras animadoras Bibliamanta (léey Romanos 1:11, 12). Astaanpas átej ʼrinqui conversayta persunasuan solteras y casarasckasuan ima lograrancu venceyta túcuy laya afliciunes. Y caycunalla cancu huaquin rasones ima Jehova munan apinayshta cá costumbre tantanacuymanta.

 ASTAAN ESTUDIANÁYSH TÍAN YACHÁYPAJ

4. Tantacunas Jehóvap Testigusninmanta

Huámaj siglupi, Jíshup discipulusnin tantanácoj carancu Jehovát adoráypaj (Romanos 16:3-5cama). Leeychis Colosenses 3:16 y ʼrimaychis cá tapunasmanta:

• ¿Imaina adóraj carancu Jehovata huámaj discípulus?

1. Tantacunasniyshpi discursus ckoncu, y vidius ckaachincu. Tucuycunas ckallarincu y puchucancu suj canciunuan y suj resuan.

2. Huaquin partespi tantacunasmanta, picunas visitaaycu atincu participayta comentas.

3.   Tucuycunas alliamusckas cancu: ckaris y huarmis, persunas atunta y huahuitas...

4. Tantanacunaspi Jehóvap Testigusninmanta ni imátap pagaranayqui tían. Maa ckoshcke mañacun y yaycúypaj mana pagaracun.

5. Precisu can afanacuyta tantacunasman ʼríypaj

• ¿Imajchus acostumbracunáysh tían tantacunasman ʼriyta?

 BIBLÍAP YACHACHINASNIN

ʼRiyta tantacunasman yanapasoncka ashcát aprendeyta Jehovamanta y amistarniyqui payuan sinchi ʼruaconcka y adorayta sujcuna persunasuan.

Yuyáypaj

• ¿Imajchus Jehová invitaáysh tantacunasman ʼrináyshpaj?

• ¿Imát apréndej ʼrinqui tantacunasniycupi Jehóvap Testigusninmanta?

• ¿Ima layamanta creenqui ckam ima atincuman yanapasuyta tantanacunas?