Eva machajhuayta casút ʼruapora y micora fruta tackomanta ima mana micunan tiara. Chaymanta Adanta frutamanta ckora y paypas micora.

ʼRuasckancu mana alli tiara: suj ucha cara. Tata Yaya Adanta y Evát jardinmanta huijchucora.

Cáusay paycunápaj y huaasnínpaj mana chaynalla ʼruacora. Huatasuan, viejoyarancu y huañorancu. Mana cieluman ʼrerancu, nima laumanpas; manapé huañorancu.

Tucuycunas Adán y Évap uchan heredáysh. Chayraycu, nockayshpas huañúysh. Huañusckas mana ckaayta ni uyariyta atincu ni imátap ʼruayta (Eclesiastés 9:5, 10).

Jehová mana munara persunas huañunancuta. Mana unas causachiconcka picunasta huañorancu. Y, si casupuncu, ni aicappas huáñoj ʼrincu. Paycuna unáypaj causanckancu.