PARTE 9
¿Áicap Ashpa suj jardín ina caj ʼrin?
Mana alli imastis cunanmanta ckaachincu ima Tata Yáyap gobiernun ckaylla tían (Lucas 21:10, 11; 2 Timoteo 3:1-5).
Na unaymanta, Biblia huillara ashca mana alli imastismanta ima cunan ckaaycu. Ckaachera, ima huaas tatasnincút mana casuncuman y persunas ancha erejes caj ʼrerancu y munancuman placeres y ckoshcke.
Nátaj huillara, ima tianman atun cuyúriy Ashpamanta, guerras, yárckay, ónckoy. Quiquin ima cunan punchau, sucedeshcan.
Jishu nera ima alli noticias Tata Yáyap gobiernunmanta túcuy Ashpapi predicacunman (Mateo 24:14).
Tata Yáyap Gobiernun túcuy maldaruan puchucancka (2 Pedro 3:13).
Jehová túcuy mana alli persunasuan mana unas puchucancka.
Súpay supaynincuan huishckasckas caj ʼrincu.
Persunas ima Tata Yayát uyarincu cáusaj ʼrincu suj mundupi maypi ashca múnay, pas y justicia tíaj ʼrin, maypi ni pipas manchacus tíaj ʼrin. Túcuy confiansa apinácoj ʼrincu suj sujcunaan.
Caytapas gustasuyta atinman
SUJCUNA PUBLICACIUNES
Tata Yáyap Reinun, ¿ima can?
Áicap Jishu Ashpaman amora, ckaachera imát Diuspa Reinun ʼrúaj ʼrin.
SUJCUNA PUBLICACIUNES
¿Huaquin punchau usuyta sackesúysh?
Biblia nin, ima Diuscka mana casckanta chejnin y sapa suj nockayshmanta yuyacun. ¿Imaina ckamta yanapasuyta atin?
