PARTE 1
¿Imaina Tata Yayát uyaríysh?
Tata Yaya Bibliapi ʼrimaáysh (2 Timoteo 3:16).
Tata Yaya niasckayshta Sagrada Bibliapi tían. Pay ʼruara huaquin ckaris escribinancuta. Bibliapi imastis atuchas tiancu y Tata Yaya munan yachanayshta.
Ni pipas Tata Yaya ina yachan. Pay yachan ima nockáyshpaj alli can. Payta uyaripuspá alli ʼriasajcu. (Proverbios 1:5).
Pay munan túcuy persunas Bibliát leenancuta. Chayraycu ashcas ckalluspi escribiscka tían.
Si munaycu Tata Yayát uyariyta, Bibliát leenaycu tían y allít unanchayta.
Mateo 28:19).
Persunas túcuy Ashpamanta Tata Yayát uyarishcancu (Jehóvap testigusnin yanapasuyta atincu Bibliát unanchayta.
Paycuna túcuy Ashpapi Tata Yáyap verdarnin yachachincu.
Ckam astaan yachayta atinqui Tata Yayamanta rispá testigusuan tantacunasnincuman. Yachachíypaj mana ckoshckét mañancu.