3. Onckoycunas
3. Onckoycunas
«Ashca usonckancu sajras onckoycunas» (LUCAS 21:11, Traducción en lenguaje actual).
● Bonzali, suj llámcaj salur publicamanta suj país Africamanta maypi paycunapura pelianácoj carancu, túcuy atisckanta ’ruara ampinaas minerosta ima huañorancu pestean Marburgomanta. * Huillara picunasta llamcancu salurpi, pero tardarancu taa meses contestáypaj. Áicap yanapa chayara, Bonzali na huañuscka tiara. Contagiacusa cara pestean minerosmanta picunasta pay yanapayta munara.
¿IMÁT NINCU? Ckeas ima pulmonesta onckochincu (neumonía ina), desarreglo, sida, tuberculosis y onckoycunas mosquitusmanta cancu astaan sajras onkoycunas ima persunas usuncu. Cá pishca layas onckoycunasmanta huanchera yacka 11 millones persunasta 2004 huatapi.
PENSASCKANCU. Mundupi poblaciún ashca ’ruacus seguin, chayraycu ashca persunas onckos seguincu.
¿CHAYNA CAN? Amapas mundupi poblaciún ashcayas seguin, aumentarapas persunas capaces yacháypaj ima ónckoy can, controláypaj y tratáypaj onckoycunasta. Chaypachá, ¿maa debenman utulayayta? Pero, túcuy contrariu llallin.
¿IMÁT NINQUI? Cá tiempuspé, ¿persunas padecencu cá sajras onckoycunas, imaina Biblia nin?
Ashpa chucucuynin, yárckay y onckoycunas ashca dañu ’ruancu ancha ashca ashca persunasta. Ancha ashca persunas usuncu aillusníncup maquisnincunaraycu, y ancha ashca astaan huanchisckas cancu aillusninraycu ima debencuman cuidayta. Ckáay imát nincu caymanta profecías Bibliamanta.
[Astaan yacháypaj]
^ párr. 3 Cá peste Marburgomanta amun vírus ebolamanta.
[Nisckan]
«Ancha fieru can suj león o mayckan cachun sacha uyua micusunanta, pero quiquin sajra can imallapas micusus ’richun ucuyquipi y yachayta llallisusckanta.» (MICHAEL OSTERHOLM, EPIDEMIÓLOGO)
[Reconocimientu]
© William Daniels/Panos Pictures