4. Múnay familiamanta chincacun

«Persunas [...] [maa ckaáchej ’rincu] múnay familianta ni yanasusnincuta» (2 TIMOTEO 3:1-3, Comentario Concordia; nota).

● Chris llamcan suj lugarpi maypi protegencu huarmista ima maltratasckas cancu norte Galesmanta. «Suj punchau amora suj huarmi ima ancha mackasa carancu ima maa aterani reconoceyta –pay nin-. Sujcunas huarmis ima nockaycuman amuncu ancha maltratasckas y traumasckas tiasckancumanta ni suj costauman ckaayta atincu.»

¿IMÁT NINCU? Suj país Africamanta ancha ashca ashca huarmis abusasckas sexualmente carancu huahuitas cas. Chá paispi ashca ckarista taporancu si alli tían huarmita mackayta y paycuna nerancu alli tiasckanta. Pero manalla huarmislla chayta usuncu. Canadapi, ashca ashca ckaris mackasckas carancu y usorancu maltratu huarmisnincumanta.

PENSASCKANCU. Unaymanta tiarancu ashca maltratu, pero cunan astaan ashca importancia ckopuncu.

¿CHAYNA CAN? Persunas pensasckancu cuentapi apicun cá ckepa huataspi, pero ¿siruera mana ashcayanánpaj maltratu? Mana. Múnay familiamanta astaan chincacus ’rin túcuy lauspi.

¿IMÁT NINQUI? ¿Cumplicushcan 2 Timoteo 3:1-3? ¿Carecencu ashca persunas munaymanta ima debencuman apiyta familiasnincunaraycu?

Cá pishcka profecía ima ckaaycu cumplicuyta ashpaan ckaanan tían maypi causaycu. Ckaasúysh Biblia nisckanta.

[Nisckan]

«Maltratu huarmismanta mana importancia ckopuncu y mana denunciasckas cancu cá tiempuspé. Suj huarmi chasquin 35 maltratus ckarinmanta manáraj poleciaman ’ris.» (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)