5. Ashpa chamckayascka

«[Tata Yaya chamcka ’rúaj ’rin] picunasta ashpa chamcka ’ruashcancu» (APOCALIPSIS 11:18).

● Pirri ’rantin vinu palmamanta Kporpi (Nigeria), pero chá llámcay chincara imaraycu ancha ashca petróleo ichacusa cara Nigerpi y dañu palmerasta ’ruapucora. «Huanchin challuasta, ckaraycupi lastimao llojsiaycu y mayusniyshta huajllichin –paycka lamentacun-. Nima llámcay apini.»

¿IMÁT NINCU? Segun yachajcuna nincu, marman ichacun seis millones toneladasmanta ckopamanta túcuy huatas. Chá ckopa chajruscka tían plasticosmanta ima tárdaj ’rincu ancha ashca huatas ashpa ’ruacúypaj. Manalla persunas ashpát mapachancu, manapé túcuy utula y alli cutisckanmanta chamcka ’ruashcancu. Astaanpas yachajcuna nincu ashpa precisan 17 quillas allichacúypaj 12 quillaspi micusckancu persunas. «Si poblaciún y micusckancu ashcayacus seguin, precísaj ’riycu íshcay ashpas ina 2035 huatápaj» chayta anoticiara periódico australiano Sydney Morning Herald.

PENSASCKANCU. Persunas capaces e inteligentes cancu ashpát ckeshpíypaj allichas y pichas.

¿CHAYNA CAN? Gracias ima cá grupu ashpata estudiajcunamanta y sujcunas persunas sinchít llamcancu conciencia apincu ashpát cuidáypaj. Pero igualllát ashpát mapachas seguincu.

¿IMÁT NINQUI? ¿Falta ’ruan Tata Taya intervenichun ashpát ckeshpinánpaj, imaina pay nera?

Nátaj cá pishcka profecías ima estudiacora, Biblia ninpas huaquin alli imastis ckepa puncháuspaj. Ckaasúysh huaquin ejemplus.

[Nisckan]

«Únay aperani suj utula jardín, cunan apini suj atun ckopa.» (COMENTARIO DE ERIN TAMBER, RESIDENTE DE LA COSTA SUR DE ESTADOS UNIDOS, SOBRE LOS EFECTOS DEL DERRAME PETROLÍFERO DE 2010 EN EL GOLFO DE MÉXICO)

[Recuadru]

¿Tata Yayát tumpasúysh?

Biblia nisckanraycu persunas ashcát usuncu, ¿chay niyta munan Tata Yaya ckaanan tían chayuan ima usuchiáysh? Tárej ’rinqui respuestas ima convencésoj ’rin capitulopi 11 librumanta Biblia, ¿imát yachachiáysh?

[Reconocimientu]

U.S. Coast Guard photo