Suj ámoj pacha ancha súmaj ckaáysh

«Y suj astaan tiempulla, y mana alli cajta na mana caj ’rin [...]. Pero socegasckas cajcuna ashpapi cútej ’rincu, y dejuro ancha ashca pasmanta disfrútaj ’rincu» (SALMO 37:10, 11).

¿GUSTASUNMAN ckaayta cá profecía na cumpliscka? Dejuro chayna can. Cunan ckaasúysh ashca rasones creéypaj ima utulita tiempupi cumplícoj ’rin.

Artículos llallisckas ’rimarancu huaquin profeciasllamanta ima sumajta ckaachincu «ckepa punchauspi» causasckayshta (2 Timoteo 3:1-5). Tata Yaya escribejcunata yanapara cáy acontecimientusmanta ’rimanancunápaj manáraj sucedeptincuna y chayna suyanát apiyta (Romanos 15:4). Cá profecías ima cumplicushcancu ckaachincu ima problemas cunanmanta mana unas imastis llalliscka tiempumanta caj ’rincu.

¿Ima sucédej ’rin ckepa punchausmanta chaymanta? Tata Yáyap Reinun túcuy humanidarta gobérnaj ’rin (Mateo 6:9, 10). Ckáay Biblia prometesckanta:

● Mana yárckay tíaj ’rin. «Ashpapi granu tíaj ’rin ancha ashca, montañaspa anajninpi ancha ashca ashca tíaj ’rin» (Salmo 72:16).

● Mana onckoycunas tíaj ’rin. Mana pipas nej ’rin: «Onckoscka tiani» (Isaías 33:24).

● Ashpa allichácoj ’rin. «Desiertu y ashpa chaquiscka cusícoj ’rin, y llanura cusiscka tíaj ’rin, y azafrán ina huíñaj ’rin” (Isaías 35:1).

Caycuna cancu solo huaquin profecías ancha súmaj ima utula tiempupi cumplícoj ’rincu. Si astaan yachayta munanqui, máñay suj Jehóvap testigunta ckaachisunanta imajchus seguru tían ima suj ámoj pachát ancha súmaj tían.