Mana, cai Allpa mana ima huras turcachishca, rupachishca, tucuchishca anga. Biblia yachachin Yaya Dios cai Allpara rurarca runauna chibi huiñaigama causanuchu.

•   “Alira rurajcuna cai allpara apinunga, chibi huiñai causaira charinunga” (Salmo 37:29).

•   “Pai allpara rurashca shinzhira shayachishca; chitaga mana pihuas cuyuchina ushangachu huiñai huiñai, tucui hurasgama” (Salmo 104:5).

•   “Shinajpi cai allpa huiñaigama tiangami” (Eclesiastés 1:4).

•   “Pai allpara rurarca shinzhira shayachishca, pai mana yangamandachu rurarca, astaumbas chibi causangahua rurarca” (Isaías 45:18).

 Yaya Dios mana saquingachu runauna cai Allpara huajlichisha, guerragunahua, shuj tunuunahua tucuchinuchu. Chimanda Biblia nin, Yaya Dios ‘cai pachara tulajcunara tulanga’ (Apocalipsis 11:18). ¿Imasnara chita ruranga?

 Yaya Dios cai Allpai tiaj runa gobiernogunara tucuchisha, paihua Reino cai Allpai mandangaj callaringa (Daniel 2:44; Mateo 6:9, 10). Paihua Churi Jesusta ajllaca paihua Reinoi mandaj tucuchu (Isaías 9:6, 7). Jesús cai Allpai ashcai, yacura huairaras shayachica (Marcos 4:35-41). Shina ricuchica Diospa Reinoi mandaj cuinta Allpara tucui chibi tiajcunaras sumaj cuiranga. Cuti cai Allpara mushujyachinga, alichinga ñaupa ali gustu pamba Edén cuinta tucuchu (Mateo 19:28; Lucas 23:43).

 Mana. Cai shu panda iyai an huaquimbi 2 Pedro 3:7 nishcara manali intindishcamanda, chibi nin: “Cuna huras tiaj ahua pachas cai pachas, [...] huacachishca anaun, taripana punzhai ninahua rupachingaj”. Cai texto nishcara ali intindingaj ricushun ishqui valij iyaigunara:

1.   Bibliai ahua pacha, allpa, nina shimiuna huaquin iyaigunara ricuchin. Por ejemplo, maican Bibliaguna Génesis 11:1​pi nin, “intiru allpa shu shimillara charisha catica”. Cai textoi “allpa” shimi nisha nin runauna ashcara.

2.   2 Pedro 3:7 ñaupalla tiaj textoguna intindichinun “ahua pacha”, “allpa”, “nina” shimiuna ima ashcara. 5, 6 versiculogunai Noé timpui Atun tamiamanda riman. Chi timpui tiaj mundu tucuchishca aca, shinajpi mana cai Allpa. Chi Atun tamia tucushcai, tucui manali runauna tucuchishca anuca, chi runaunamanda rimasha Biblia nin “allpa” (Génesis 6:11). Shinallara nin “ahua pachauna” tucuchishca aca, cai ricuchin chi timpui tiaj mandaj runaunara tucuchishca ashcara. Chiraigu cai Allpa mana tucuchishca aca, astaun manali runaunalla. Noé paihua ailluhua chi tucurinamanda quishpirinuca, paiguna chi Atun tamia huasha, cai Allpai mirasha catinuca (Génesis 8:15-18).

 Imasna chi Atun tamiai manali runaunara tucuchica, shinallara 2 Pedro 3:7 rimashca “nina” shimi intindichina munan, manali runauna tucuchishca anunga, mana cai Allpa. Yaya Dios “mushuj ahua pachaunaras”, “mushuj cai pacharas” rurashami nin, chibi “ali dirichu causana tuparingami” (2 Pedro 3:13). Chi ‘mushuj pacha’, Diosta casuj runauna anun, ‘mushuj ahua pachauna’ tianga, cai an Diospa Reino, cai runaunara mandangaj. Cai Diospa Reino mandashcai, cai intiru Allpa shu sumaj paraíso tucunga (Apocalipsis 21:1-4).