Mana. Biblia mana ninzhu cullqui mana ali ashcara, shinallara mana ninzhu llaquiunara cullquimanda charinchi. Maicanguna ninun “Cullquimanda ashca llaquiunara charinchi” nisha, chi ¿sirtuchu? Mana. Maspas Biblia nin: “Cullquira llaquinamanda tucui llaquiuna shamun” (1 Timoteo 6:10, Reina-Valera, 2009, yana color ñucanchi churacanchi). a

•  Biblia cullquimanda ¿imara nin?

•  ¿Imarasha cullquira llaquina mana ali an?

•  Biblia cullquimanda rimashcara casusha ¿imasnara yanapan?

•  Biblia cullquimanda camachishcauna

 Biblia nin, cullquira ali utilizasha ñucanchira yanapangaj, cuirangaj valin (Eclesiastés 7:12). Shinallara cuyaisiqui shungura charij runaunamanda Biblia ali rimanmi (Proverbios 11:25).

 Biblia yachachin, cullqui charina ñucanchi causaibi mana yapa valishca ana an. Hebreos 13: 5 nin: “Ama cullquira llaquichichu; canguna cuna huras charishcaunahua cushi tucuichi”. Cai intindichin cullqui valij ashas, ñucanchi causaibi mas valij mana tucuna an. Astaun, sirtu ministishca cosasguna, imasna micunara, churarinara, maibi causanaras charisha cushi causana anchi (1 Timoteo 6:8).

 Cullquira llaquij runauna huiñai causaira mana charinunga (Efesios 5:5). Cullquira llaquina yanga diosgunara adurana cuinta an (Colosenses 3:5). Shinallara chi runauna mas cullquira charingaj nisha Dios mandashcaunara mana casunun. Chimanda Proverbios 28:20 nin, “maicans dsaslla cullquiyuj tucungaj munajpi chuyaj shungura charingaj mana ushangachu”. Shina tucun, cullquira yapajta llaquisha, llullanun, shuhuanun, shuj runaunaras llaquichinun, astaun huanchina ushanun.

 Chi atun uchaunara mana rurashas cullquira llaquisha ashca llaquiunara charina ushanchi. Chimanda, Biblia nin: “Charij tucunara munajcuna tintarinai urmanaun, tujllais; shinallara upa huajlina munanaunai urmanaun” (1 Timoteo 6:9).

 Cullquira ganangaj Dios mandashcaunara tucui huras casusha ali causashun, shinallara Yaya Dios ñucanchi ali rurashcaunara ricusha, cushi sintiringa. Chimanda, paita casungaj ursarijcunara casna nin: “Canda mana cungarishachu, mana saquishachu” (Hebreos 13:5, 6). Astaumbas nin: “Casuj runaga ashca bendiciongunara chasquinga” (Proverbios 28:20).