Supaira mana ricunara ushashas, Biblia pai sirtu pacha tiashcarami nin. Llaquichij, huanchij runa cuinta paihua munaira pactachingahua runaunara umachin, llullambas. Bibliaga nin: “Quiquin Satanasllara punzhajlla ricurij angel cuinta tucusha ricurin” (2 Tesalonicenses 2:9, 10; 2 Corintios 11:14). Supai sirtu tiashcara yachanchi pai huajlichishcara ricusha.

 Shinajpis tucui runauna turmindariushcamanda mana paillachu culpayuj an. ¿Imarasha? Dios runaunara rurarca alira ruranara, manali ruranaras ajllanuchu (Josué 24:15). Manali ruranaunara ajllashaga, huasha manaliunara chasquishun (Gálatas 6:7, 8).