Jesús yachachica Diospa Reino tucui runauna charishca turmindusgunara tucuchinga (Mateo 6:10). Mateo 13:44-46 textogunai, Jesús ishqui ejemplogunara rimaca Diospa Reinomanda yachana yapa valishca ashcara ricuchingaj:

•   Shu runa chagrara tarbaushcai cungaimanda shu yapa valij curi muyura tupaca.

•   Shu catuj runa sumaj valij perla muyuunara mascaushcai shu yapa valij perla muyura tupaca.

 Cai ishqui runauna paiguna tucui charishcara cushihua catunuca yapa valishca tupashcara randingaj. Cuna punzhaunai ashca runauna paiguna cuinta ruranun. Diospa Reinomanda sirtu shimira yapa valichishcaraigu imaras saquinun Yaya Diosta tucui shunguhua sirvingaj (Lucas 18:29, 30). Cai videoibi ricui ishqui runaunamanda cuintashcara, paiguna Jesús cuintashca runauna cuinta anuca.