Biblia yachachishcara runauna ali intindinuchu yanapangaj sumaj yanapaigunara charinchi. Ñucanchihua Bibliara yachasha canda yanapanga:

•   Cushi causaira charingaj.

•   Diospa amigo angaj.

•   Shamuj punzhaunai Yaya Dios ima rurangaraushcara yachangaj.

Cai partii cai catij tapuigunara cutipashun:

•  ¿Imasnara Bibliamanda yachachinchi?

•  ¿Yachangaj pagana anichu?

•  ¿Masna timpu anga?

•  ¿Imasnara callarina ushani?

•  ¿Imasna ashcara yachangaj camana ushanichu?

•  ¿Cangunahua Bibliamanda yachasha Jehovahuaj testigo tucuna anichu?

•  ¿Ñuca quiquin Bibliahua yachana ushanichu?

•  ¿Maican cumpañana ushahuanzhu Bibliamanda yachanai?

•  ¿Ñaupa cangunahua ña Bibliamanda yachashca ashas cutillara yachana ushanichu?

•  ¿Shu yachachijhua Bibliamanda yachangaj mana munasha yachangaj shuj yanapaigunara charinguichichu?

 Shu yachachij canda Bibliara intindingaj yanapanga caran temahua. Cushihua huiñaigama causai librohua ansa ansa Biblia yachachishcara yachangaraungui, shinallara imasna Biblia canda yanapana ushan. Mas yachana munasha cai videora ricui.

 Mana. Jehovahuaj testigoguna Jesús paita catijcunama mandashcara pactachinchi, pai nica: “Yanga llaquishcamanda apishcanguichi, yanga llaquishcamanda cuichi” (Mateo 10:8). Chimanda yachangaj shu Bibliara, Cushihua huiñaigama causai librora shuj yanapaigunaras charina ushangui mana imaras pagasha.

 Intiru libro yachangaj 60 lecciongunara charin. Can munashca timpu yachana ushangui. Ashca runauna caran semana shuj leccionda estudiangaj ajllanun, shujcuna randi mas yachangaj ajllanun.

1.  1. Ñucanchi página internetpi tiaj formulariora undachi. Can quillcashca shutiunara utilizashun shu Jehovahuaj testigo canda cayachu.

2.  2. Bibliamanda yachachingarauj canda cayanga. Pai intindichinga Bibliamanda yachachina imasna ashcara, shinallara can charishca tapuigunara cutipanga.

3.  3. Can camba yachachijhua ajllanguichi imasna Bibliamanda yachana callarinara. Camba yachachij canda pasiashcai yachana ushangui, shina mana ushajpi telefonomanda, internetmanda, shuj tunumandas yachangui. Shu hora, shu hora yali, can charishca timpu yachana ushangui.

 Ari. Chihuaj ñucanchi página internetpi tiaj formulariora undachi. Canda yachachingarauj cayajpi cuintai, ñuca shu Bibliamanda yachanallara apina munani ñuca gustashcara o mana gustashcara ricungaj nisha. Cushihua causai folletora utilizanguichi punda quinsa lecciongunara yachangaj.

 Mana. Jehovahuaj testigoguna cushihua Bibliamanda yachachinchi, shinajpi mana pitas urzachinchi ñucanchi religión partima achu. Maspas respetuhua runaunara intindichinchi Biblia yachachishcara, shinajpi caran runa ima quirina munashcara ajllachu saquinchi (1 Pedro 3:15).

 Ari. Can munashca Bibliahua yachana ushanguimi. Jehovahuaj testigoguna Traducción del Nuevo Mundo nisha Bibliara utilizanchi quirinalla, intindinalla ashcamanda, shinajpi intindinchi ashca runauna paiguna quiquin Bibliahua yachana munashcara.

 Ari.Tucui camba ailluunara amigogunaras cumbirana ushanguimi.

 Ari. Ñaupamanda cuna mas gustanguichari. Cai mushuj libro cuna timpui runauna ministishcaunamanda yachanuchu yanapan. Mas videogunara, shuj yanapaigunaras charin pariju yachashcamanda cushihua cuintaringaj.

 Ari. Ashca runauna Bibliara intindingaj mas ahualla ashcamanda shu yachachijhua yachana munanujpis randi shujcuna sapalla yachangaj munanun. Shina asha “Bibliara estudiangaj yanapaiguna” nishca partii tiaj canda yanapana ushan. Caiguna chibi tupangui:

•   Bibliamanda videoguna. Chi videogunai Bibliamanda valishca yachachishcaunara ricuchin.

•   Bibliamanda tapuiguna. Cai partii ashca Bibliamanda tapuigunara cutipan.

•   Textos bíblicos explicados. Chibi ashca ricsishca Bibliamanda iyaiguna, textoguna intindichishcara ricuchin.