Jacob yachacami Jehová Diosllara adurana ashcara, runa rashca diosta aduranamanda shu ley cuntra mana tiajpis (Éx 20:​3-5). Chiraigu, Jehová Dios Betelma tigrangaj mañashcai, Jacob paihua aillura tucui paihua ajcunaras runa rashca diosguna aduranara saquinuchu nica. Shina rajpi, Jacob tucui runa rashca diosgunara pambaca, rinri huarcurinaunaras, maicambi amuletoguna cuinta utilizanushcangachari (Gé 35:​1-4). Jacob rurashcara Jehová Diosta gustaca.

Cuna timpui ¿imasnara Jehová Diosllara adurana ushanchi? Ñaupa punda, runa rashca diosta aduranara, sagranauna cosasgunaras saquina anchi. Cai nisha nin maican mana quirihuajlla ruraiguna charijcunara anzhuchina ashcara, shinallara iyana anchi ima pujllanaunahua pasanchi. Tapuri: “¿Peliculaguna ricunichu o libroguna leanichu vampirogunamanda, zombigunamanda o mana quirihuajlla ruraigunamandas? ¿Cushiyanichu magia nishcahua, sagranaunahua ali cosasguna ricurij cuinta?”. Jehová Dios tucui chijnishca cosasgunamanda caruyana anchi (Sl 97:10).

“SUPAI APU ÑAUPAJPI SHINZHIRA SHAYARICHI” VIDEO RICUSHCA HUASHA, CATIJ TAPUIGUNARA CUTIPAI:

• Bibliamanda yachauj huarmi Vanesa ¿ima turmindus charica?

• Sagranaunahua turmindus charisha ¿imarasha Tandarijcunara Cuirajcunara yanapai mascana anchi?

• ¿Imara rurana anchi Jehová Dios ñucanchira cuirachu?

• ¿Ima valishca ajllashcara Vanesa apica?

• Can causashca lugarbi ¿imasnara supaigunamanda anzhurina ushangui?