Huatauna pasaushcai, apuuna ashca cuti Diospa llactara yanapanushca (Esd 6:​1-12; Est 8:​10-13). Astaun cunan timpuunai ricushcanchi imasna “allpa” o ali shungu apuuna, “yacura” o Supai turmindachina rurashcaunara nillpushca (Ap 12:16). Jehová, Quishpichij Dios, ashca cuti runa gobiernogunara animachishca paihua llactara yanapangaj (Sl 68:20; Pr 21:1).

Shinajpi, ¿can carcelbi ishcarisha camba quirinamanda? Ama cungarichu, Jehová Dios canda cuiraunmi (Gé 39:​21-23; Sl 105:​17-20). Cierto pacha camba quirinamanda bendiciashca angui, shinallara chuyaj shunguhua sirvishcamanda intiru mundui tiaj huauquiunara shinzhiyachinguimi (Flp 1:​12-14; Ap 2:10).

COREAMANDA HUAUQUIUNA CARCELMANDA LLUCSHINUN VIDEO RICUSHCA HUASHA, CATIJ TAPUIGUNARA CUTIPAI:

• ¿Imarasha ashca huatauna Corea del Sur llactai huaranga huaranga huauquiuna ishcashca tucunuca?

• ¿Ima ajllashcauna tribunalgunamanda yanapanuca huaquin huauquiuna manara timpu pactashcallaira lugaryashca tucunuchu?

• ¿Imasnara intiru mundui ishcariashca tiaj huauquiunara paiguna quirinamanda yanapana ushanchi?

• ¿Imasnara ñucanchi lugaryachina charishcara utilizana anchi?

• ¿Pita ahuayachishca tucun tribunalgunai vinsishcamanda?