Can 23-65 huataunara charisha, tucui timpui sirvingui, ali salud charingui, munanguichu ringaj shu mas ministishca partima yanapangaj, ¿imarasha mana undachingui shu solicitudta Diospa Mandanamanda Yachachisha Purijcunahua Escuela nishcama ringaj? Callarishca hurasmanda, huaranga casarashcauna, mana casarashca huauquiuna paniunas solicitudta undachinushca. Shinajpi ministinun mas mana casarashca huauquiunara. Jehová Diosta mañai paihua Churi cuinta mas sirvina munaira charingaj yanapachu (Sl 40:8; Mt 20:28; Heb 10:​7). Huasha pactachi tucui aillura cuiranahua, tarbanahua, tucui dibiunahua cai escuelama ringaj.

¿Imara ruranushca cai escuelai graduashcaguna? Maicanguna cachashca anushca shuj shimiunai shuj partiunama, yanapangaj pajllai Bibliamanda yachachisha atun llactaunais. Maican graduashcaguna sirvinun ansalla timpu mingashca Tandarijcunara Cuirasha Purij cuinta, imasna Tandarijcunara Cuirasha Purij, misioneroguna cuinta. Jehová Diosta mas sirvingaj iyariusha, ricuchingui profeta Isaías cuinta: “¡Ñuca caibimi ani! ¡Ñucara cachahuai!” (Is 6:8).

MISIONEROGUNA: PALLANAI TARBAJCUNA VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara ajllanun misionerogunara?

• ¿Ima ali tarbanara rurarianun cai misioneroguna?

• ¿Ima bendiciongunara cushiyasha pasanun misioneroguna?