Shu runara congregacionmanda llucchijpi yanapana ushan congregacionda, shinallara maican mana aripintirijpi ucharashcamanda (1Co 5:​6, 11). Jehová camachishca shimira pactachisha ricuchinchi llaquishcara. Shinajpi ¿imasnara anga congregacionmanda anzhuchina ashca llaqui ashcara ailluunaj shinallara comité judicial?

Punda lugarbi, ricuchinchi llaquishcara respetura Jehová shutimanda paihua santu mandashcaunara (1Pe 1:​14-16). Shinallara ricuchinchi llaquishcara congregacionmanda anzhuchishcara. Livachina nananmi, “ganas ali causanara cungami” (Heb 12:​5, 6, 11). Chara cuintarisha catisha congregacionmanda anzhuchishcahua, congregacionmanda ichurishca runahua mana saquinchi Jehová livachichu chi runara. Iyari Jehová livachin “ministishca tupugama” (Jer 30:11). Chapanchi cai runa tigrachu Jehová llaquishca maquima, chigama chapasha catishunchi Diospa Shimira pactachisha ursarisha mayanlla Jehovahua angaj (Is 1:​16-18; 55:7).

CHUYAJ, INTIRU SHUNGUHUA JEHOVARA SIRVISHUN VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara sintirinun yayauna shu churi Jehovara sirvinara saquijpi?

• ¿Imasnara congregación ailluunara yanapana ushanun?

• ¿Ima cuintashcaunara Bibliamanda ricuchin chuyaj shungura Jehovara ricuchingaj mas valishca chuyaj shunguhua ailluunara ricuchingaj?

• ¿Imasnara ricuchinchi chuyaj shungura mas Jehovara ailluuna randimanda?