Jehovahuaj casarashcauna pactachina shimi ashca valij anun, casarashcauna pariju catinuchu ninmi (Mt 19:​5, 6). Jehová Dios llactaibi ashca casarashcauna cushimi anun. Casarashca ucui tucui huras mana cushilla tian, llaquiunas tianunmi. Mana ima huras iyarishunchi casaranamanda llushpirisha divorciarisha tucui llaquiuna tucurinmi nisha. ¿Imasnara Jesusta catijcuna cuirana anun casarashca asha?

Ricushun pichca camachishcaunara.

1. Camba shungura cuirai, shujma ñahuira sipirisha ricunamanda ucha rashcaras ricunamandas anzhuri. Caiguna casarashcai llaquichinun (Mt 5:28; 2Pe 2:14).

2. Jehová Dioshua apanunara shinzhiyachi, ursari can casarashca Diospa ñaupai ali ricuringaj (Sl 97:10).

3. Mushuj causaira churarisha catichi, ali ruranara camba huarmihua camba carihua chari, paihua causaibi mas ahualla angaj (Col 3:​8-10, 12-14).

4. Ali cuintarinara, respeturas charichi (Col 4:6).

5. Casarashca ranaunai ali llaquihua pactachi (1Co 7:​3, 4; 10:24).

Jesusta catijcuna casarashcara respetasha, casaranara Callarichij Jehová Diosta respetanun.

AHUANTAIHUA CALLPANA ANCHI: CALLPANAI MANDASHCA CUINTA CATISHUN VIDEO RICUSHCA HUASHA, CATIJ TAPUIGUNARA CUTIPAI:

• Casarasha ali callarisha ¿ima turmindusguna tiana ushan?

• ¿Imasnara Bibliamanda iyaiguna yanapana ushan maican casarashca ucui mana llaquinara sintirisha?

• ¿Ima yachachishcaunara Jehová Dios cun casarashcaunara?

• ¿Imara rurana anun cari huarmi, casarashca ucui cushi tiachu?