¿Ima llaquiunaras tucui punzhauna charingui? ¿Aillura cuiraj angui, imaras rurangui pactachingaj? ¿Anguichu cari illaj mama, huarmi illaj yaya, ailluuna gastashcara pagangaj shinzhi an? ¿Escuelai canmanda asinunzhu, turbachinunzhu? ¿Ungüigunara charingui, rucuyanamanda nanaigunahua turmindaringuichu? Tucuiguna llaquiunara charinchi, shinajpi huaquin huauquiuna ashca turmindusgunara chi timpullai pasanun. Mas ali an, ñallami lugaryachishca ashun caigunamanda (2Co 4:​16-18).

Chi punzha pactanagama, caita yachasha cushiyanchi Jehová ñucanchi pasaushcara intindishcara, chuyaj shungu angaj ahuantangaj valichishcara, shamuj punzhai bendiciangaraushcara (Jer 29:​11, 12). Jesús ñucanchimanda preocuparin. Jehovara sirvinai pactachingaj ursariushcai, pai riman: “Ñuca cangunahua pariju tiaushami” (Mt 28:20). Diospa mandana ucui lugaryachishca angaraushcamanda alira iyarisha, ñucanchi quirina chapanai iñasha catinga, mas ursara apishun camanauna ahuantangaj (Ro 8:​19-21).

TURMINDUSGUNA SHAMUNUJPI, JESUSTA QUIRISHA CATISHUN VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara runauna Diosmanda caruyanushca, chiraigu imara tucushca?

• ¿Ima sumaj chapanara charinun chuyaj shunguhua Jehovara sirvijcuna?

• ¿Imasnara charina ushanchi sumaj causaira shamuj punzhai?

• ¿Ima pactachina shimira shamuj paraisomanda chapangui mas ganashua ricungaj?