Cai mundui yachachinun ali ashca mana ali an, mana ali ashca ali an (Is 5:20). Llaqui an, ashca runauna Jehová chijnishcara ruranun, cai anmi caripura huarmipura manalira rurasha ricuchinamanda. Escuelai cumpañajcuna, shuj runaunas rimana ushanunga ñucanchi huahuaunara paiguna cuinta rurangaj. Yayauna ¿imasnara puruntunguichima camba huahuaunara caigunara vinsingaj?

Jehová mandashcaunara yachachi (Le 18:3). Iñasha catirianujpi yachachisha catichi Biblia rimashca cuinta cari huarmi pariju puñunamanda (Dt 6:7). Tapurichi: “¿Yachachishcanichu ñuca huahuaunara llaquinara ricuchingaj imasna ali an? ¿Yachanunzhu alira churarinara ashca valijmi an? ¿Intindinunzhu mana pihuas paihua aichara apina ashcara? ¿Yachanunzhu ima ruranara maican mañajpi ucha rashcara ricunaunai ricungaj, manasha manalira rurangaj ninujpi?”. Paiguna caita ña yachasha ashca llaquiunara mana charinunga (Pr 27:12; Ec 7:12). Ñucanchi huahuaunara yachachisha, ricuchinchi Jehová Diosta ashcara pagarachushcara cai valishca cuyaira cushcamanda (Sl 127:3).

SHU SHINZHI HUASIRA SHAYACHISHUN: ÑUCANCHI HUAHUAUNARA ‘MANALI RURANAUNAMANDA’ CUIRASHUN VIDEO RICUSHCA HUASHA, CATIJ TAPUIGUNARA CUTIPAI:

• ¿Imarasha maican yayaunaj shinzhi an cuintangaj cari huarmi pariju puñunamanda paiguna huahuaunara?

• ¿Imarasha yayauna huahuaunara iñachina anun paigunara casungaj Jehovahua “shimira yachachisha”? (Ef 6:4).

• ¿Ima yanapaigunara Jehovahua organización yayaunaj cushca? (w19.05-S 12).

• ¿Imarasha ashca valij an ali cuintanaunara charingaj huahuaunahua manara llaquiuna tiajllaira?