Cai puchucai timpuunai tucuiguna shinzhi timpuunara pasaunchi. Huaquimbi sintirinchi caimanda ña mana ushanchi nisha. Shinajpi Jehová yanapaira mascasha catisha ima nanaigunara, llaquiunaras ahuantangaj yanapanga (Is 43:2, 4). Can ima shinzhi timpuunara pasaujpi ¿imara yanapanga Jehová Diosma mayanllangaj?

Diosta mañana. Jehová Diosta ima sintirishcara cuintajpi pai cunga ganaslla sintirinara, ministishca ursaras ahuantasha catingaj (Flp 4:6, 7; 1Te 5:17).

Tandarinauna. Cuna mas ministinchi Bibliamanda yachachinaunara shinallara tandarinaunai huauqui paniuna animachinara apingaj (Heb 10:24, 25). Alira puruntusha, tandarinama shamusha, tandarinai yanapanchi shina Jehová espíritu santu ñucanchira pushachu saquinchi (Ap 2:29).

Bibliamanda yachachina. Bibliamanda yachachingaj ushashca tupura rurasha chi yanapanga ñucanchi ali iyaigunara charingaj shinallara Jehovahua, huauqui paniunahuas pariju tarbasha ñucanchi apanuna paigunahua mas shinzhi tucunga (1Co 3:5-10).

JEHOVÁ CANDA CUIRANGAMI VIDEORA RICUSHCA HUASHA, CATIJ TAPUIGUNARA CUTIPAI:

• Malu shutiyuj panira ¿imara yanapaca Jehovahua mayanlla catingaj?

  Your answer

• Malu shutiyuj pani cuinta ¿imasnara Salmo 34:18 ñucanchira animachin?

  Your answer

• ¿Imasnara ricuchin Malu pani pasashca Jehová cun ‘ali valij ushaira’ ñucanchi shinzhi llaquiunara pasaushcai? (2Co 4:7).

  Your answer