Jehová Diosta sirvijcunaj caran huata Jesús huañushcara iyarina ashca valishcami an. Jesús huañushcara manara iyarishcallaira, iyarishca huasha huaquin semanagunara pasanchi Jehová Diosta pagarachusha alabasha paihua Churi ñucanchimanda huañuchu saquishcamanda (Ef 1:3, 7). Shujcuna tandarinama shamungaj cumbirangaj ursarinchi. Huaquin huauqui paniuna precursorado auxiliar pactachingahua ursarinun chiraigumandami 30 o 50 horas Bibliamanda yachachinun marzo, abril quillaunai. ¿ Jesús huañushcara iyarina quillaunai Bibliamanda mas yachachina munanguichu? ¿Imara rurana ushangui?

Ñucanchi iyashcaunara timpuhua rurajpi mas ali llucshinun (Pr 21:5). Jesús huañushcara iyarina mayanllami an chiraigumanda cuna purunturina anchi. Jesús huañushcara iyarina timpui ima metagunara churana ushashcara riparai shinallara caita pactachingahua imara rurana ushashcara iyai. Huasha camba ursarishcaunara Jehová bendiciachu mañai (1Jn 5:14, 15).

Jesús huañushcara iyarina timpui ¿imara mas rurangaj iyaringui Bibliamanda yachachinai?