ALI YACHACHIJCUNA TUCUSHUNCHI | BIBLIAMANDA YACHACHINAI CUSHIYAI
Shunguma pactai
Yaya Diosta casungaj munai shungumanda llucshin (Pr 3:1). Chiraigu yachachishcai ñucanchira uyajcunara shunguma pactangahua ursarina anchi. ¿Imasnara rurana ushanchi?
Mana Biblia yachachishcaunallara yachachina anchi. Intindichi pai yachaushca imasna pai causaibi yanapan shinallara Diospa amigo tucungaj. Yachachi imasna Biblia yachachishcauna ricuchin Llaquij Shungura Ali Dirichu Ruraj Dios ashcara. Llaquihua shuj tapuigunara rurasha yachaushcai pai iyarichu. Iyarichi imasna pai causaibi yanapan Yaya Dios chijnishcaras saquingaj. Camba Bibliamanda yachauj Jehová Diosta ashcara llaquishcara ricusha can yapa cushi sintiringuimi.
CUSHIYAICHI BIBLIAMANDA YACHACHINAI. ALIRA RURASHUN: SHUNGUMA PACTASHUN VIDEO RICUSHCA HUASHA, CATIJ TAPUIGUNARA CUTIPAI:
-
Rita ¿imarasha tapuca Sacha huarmira martes punzha rimashcara iyarishcanguichu nisha?
-
Rita ¿imarasha yanapaca Sacha huarmira Jehová paita sirtu pacha llaquishcara ricungaj?
-
Bibliamanda yachaujcunara shunguma pactashcai, Jehová Diosta sirvinaras munanunga.
Rita ¿imasnara yanapaca Sacha huarmira Jehovara llaquishcara ricuchingaj?
