Cuintangaj iyaiguna ali iyashcahua rurashcami, Bibliamanda ashca yachachijcuna ninun paiguna causaushca partii yachachingaj yapa alimi nisha. Shinajpis caran tunu partii caran tunu iyaiguna tian. Chiraigu Bibliamanda yachachijcuna yachachinai runauna munashca temamanda rimana ushanun. Shinajpis Bibliamanda yachachingaj campaña rurangaj rimashcaunara casuna anun. Tucui ñucanchi Jesús mandashcaunara casungaj munanchi Diospa Reinomanda ali gustu cuintashcaunara shujcunama pasachingaj (Mt 24:14).

Bibliamanda yachachij chaupi semana tandarinai tarbangaj cushcara ricuchishcai, Tarbana quillcai tiaj cuintangaj iyaiguna temamanda apina an. Shinajpis can causaushca lugarbi mas ali yachachingaj tapuira, textora, huasha cutipangaj tapuira, imasna ruranara turcana ushangui shinajpis mana turcana ushangui Tarbana quillca mana turcana ushangui nijpi. Tarbana quillca junio de 2020 página 8i llucchishca, cuna caibi mushuj iyaihua turcashca an.