Bibliai tian Jehová cutipashcauna ashca oraciongunamanda. Diosta sirvijcuna ricunuca imasna Jehová paiguna problemagunara yanapashcara, cuirashcaras chi paiguna quirinara shinzhiyachica. Chiraigu ministirishcami ñucanchi ministishcaunara rimangaj shinallara Jehová imasna cutipashcara yachangaj riparasha chapana anchi. Shinallara iyana anchi Jehová ñucanchi mañashcaunara mana ñucanchi chapaushca cuinta cutipana ushanga, shinallara pai ñucanchi mañashcaunamandas yalijta ruranas ushanga (2Co 12:7-9; Ef 3:20). Cuna ricushun huaquin tunui Jehová ñucanchira cutipashcara.

• Ñucanchira shinzhiyachin ursai, sintirinai, paita sirvinais problemagunara ahuantangaj (Flp 4:13).

• Ali ajllangahua yachana iyaira cun (Snt 1:5).

• Ñucanchi shungüi munaira ruranaras cun (Flp 2:13).

• Ñucanchi turbarishcai ganaslla sintichin (Flp 4:6, 7).

• Ñucanchira yanapangaj cushiyachingajpas shujcunara cachamun (1Jn 3:17, 18).

• Shujcunamanda oracionda rurashcai Dios paigunara yanapan (Hch 12:​5, 11).

JEHOVÁ ‘MAÑASHCAUNARA UYAJ’ AN VIDEORA RICUSHCA HUASHA, CATIJ TAPUIGUNARA CUTIPAI:

• ¿Imasnara Shimizu shuti huauqui pasashca ungushcaunara animachin?

• ¿Imasnara Shimizu shuti huauqui ejemplora catina ushanchi?