Cuintangaj iyaiguna nishca parti tiai callarica punda paginai Jesús cuinta yachachisha causasha catishunchi tandarinai tarbana quillcai enero 2018 huatamanda. ¿Imasnara caita utilizana anchi?

Shu asignacionda charishcai. Cuintangaj iyaiguna nishca partii tiaj tapuira, textora, huasha cutipangaj tapuira utilizana anchi. Shinajpi cai mana nisha nin cuintarina videogunai chi sami rimashca shimiunallara rimana anchi. Maicambi chican lugarbi, chican callarina shimiunara, chican tunu intindichinara utilizana ushanchi. Shinallara yachachingaj yanapaigunamanda shu quillcara saquina ushanchi yachachishca shimiunara mana shina rimashas.

Bibliamanda yachachishcai. Cuintangaj iyaiguna parti rurashcami an gustu iyaigunara cungaj Bibliamanda yachachingaj. Shu runa mas yachana munashaga can rimasha catina ushangui, cuti pasiana nishca parti utilizangachari. Shinallara cuintangaj iyaiguna rimashcara ansa turcachina o shuj iyaiguna utilizangachari. ¿Yanapangachu shuj quillamanda tema o shuj Bibliamanda texto can tiashca lugarbi? Can tiashca lugarbi ¿runauna shuj mushuj comunicadomanda noticiamandas mas preocuparinunzhu? Cai cuintangaj iyaiguna ashca tunuunai utilizana ushanchi, mana cungarishun ‘tucuira ruranchi evangelio ali shimira llaquishcaraigumanda’ shujcunaras yachachingaj (1Co 9:​22, 23).