David Goliatta vinsica tucui shunguhua Jehovapi quirishcamanda (1Sa 17:45). Jehová paihua ushaira ricuchina munan paihua amigogunara yanapasha (2Cr 16:9). ¿Imara rurana ushanchi Jehovapi quirishcara ricuchingaj, mana ñucanchii? Quinsa iyaigunara ricushun.

• Caran cuti oracionda rai. Diosta oracionda rurangui mana uchamanda perdonahuai ningalla chi randi ursara cuchu ama tintarinai urmangaj (Mt 6:​12, 13). Jehovara oracionda rurai mana can ajllashcaunara bendiciangalla chi randi ima ruranara ajllangaj ricuchichu (Snt 1:5).

• Leana, estudianaras chari. Caran punzha Bibliara leai (Sl 1:2). Bibliai quillcashca cari huarmiunamanda iyari imara paigunamanda yachashcaras, huasha yachashcara pactachi (Snt 1:​23-25). Bibliamanda yachachingaj purunturi, mana can yachashcallahua. Tandarinai ali gustu yachangahua ñaupara estudiai.

• Jehovahuaj organizacionda yanapai. Organización mandashcaunara caran punzha ricui, uctallas casui (Nú 9:17). Ancianoguna yachachishcaunara, mandashcaunaras uctalla casui (Heb 13:17).

TURMINDACHINA PUNZHARA AMA MANZHAICHU VIDEO RICUSHCA HUASHA, CATIJ TAPUIGUNARA CUTIPAI:

• ¿Imamanda manzhaiguna charinuca videoibi tiaj huauqui paniunas?

• ¿Imara yanapaca paiguna manzhaira saquingaj?