Caran cuti llaqui pasana tian. Llaqui pasajpi llaqui pasaujcunara yanapangaraujcuna ali alichishca puruntuchishcas ana anun. Cuerpo Gobernante intiru mundui tiaj sucursalgunama rimashcami Departamento de Labores de Socorro nishcara charinuchu.

Cai departamentomanda huauquiuna, shu llaqui pasashcara yachasha chibi tiaj ancianogunara cayanun publicadorguna ima ministishcara yachangahua. Llaqui pasaushcai tiaj publicadorguna paigunalla mana alichina ushanujpi sucursal llaqui pasaushcai yanapanga, puruntuchishca huauquiunara churanga paigunara yanapangaj. Cai huauquiuna, yanapaj huauquiuna paniunara ministinungachari shinallara ministishcaunara mañanungachari, o ministishcaunara randisha cunungami.

Casna tunu rurana yapa alimi. Mana casna rurajpi huauqui paniuna paiguna munaimanda rurajpi huaquimbi yangamanda tarbanun ima ruranaras mana yachanun yangamanda cullquira ministishcaunaras chingachinun.

Sucursal churashca huauquiuna riparanunga masna yanapaj huauquiuna, masna cullqui ministishcaras shinallara llaqui pasaushca lugarbi tiauj mandajcunara cayanungachari, caita rurasha paiguna tarbanara ali ruranunga. Chiraigu ruganchimi ama cullquira mañaichichichu, ama paiguna ministishcaras cachaichichu shinallara llaqui pasaushca lugarma ama richichu canguna munaimanda, shinajpis sucursal canda mañajpi chima ringui.

Sirtumi llaqui pasarianujpi yanapanara munanchi ñucanchi huauquiuna paniunara llaquishcamanda (Heb 13:16). ¿Imara rurana ushanchi? Yapa ministirishcami llaqui pasaujcunamanda, yanapaujcunamandas oracionda rurana shinallara obra mundial nishcamas cullquira cuyana. Cuerpo Gobernante churashca sucursalguna mas ali yachanunmi maibi, masna cullqui, yanapai ministishcaunara cachangaj. Llaqui pasaujcunara yanapangaj munasha Solicitud de voluntario local de diseño y construcción (DC-50) nishcara undachina ushangui.

BRASIL LLACTAI SHINZHI YACU UNDANA TIACA VIDEORA RICUSHCA HUASHA, CATIJ TAPUIRA CUTIPAI:

Yacu tujyasha llaquichishca huasha Brasilbi tiaj Jehovahuaj testigoguna yanapashcara ricushca canda ¿imara mas gustan?