Libachina anmi yachachingaj, shinallara dirichuna camachingaj anmi. Jehová libachinmi pai munashca cuinta adurangaj (Ro 12:1; Heb 12:​10, 11). Huaquimbi libachina nanachina ushan. Caita apisha dirichu runa ashun, maspas Jehová Dios bendicianga (Pr 10:7). ¿Imara iyarina anun camachiujcuna, camachishcara apiujcunas?

Camachiujcuna. Tandarijcunara Cuirajcuna, yayaunas, shujcunas ursarinun libachingaj llaquishcahua Jehová imasna ricuchishca cuinta (Jer 46:28). Shinzhi libachingahua ricuna an imasna pasaushcara shinallara llaquishcahua (Tit 1:13).

Camachishcara apiujcuna. Maican libachina ajpis, camachishcaunara uctalla pactachina anchi (Pr 3:​11, 12). Uchayuj ashcamanda, tucuiguna ministinchi libachinara caran tunui. Bibliara leasha, tandarinaunai uyasha camachishcara apina ushanchi. Huaquimbi ministishun shu comité judicial ñucanchira camachisha libachichu. Libachinara apisha, ministishca turcaigunara rurasha huiñai causaira charishun (Pr 10:17).

JEHOVÁ “PAI LLAQUISHCA RUNARA LIVACHIN” VIDEO RICUSHCA HUASHA, CATIJ TAPUIGUNARA CUTIPAI:

• Canon huahua ashcai ¿imasna causaca, chi huasha ima tucuca?

• ¿Imasna Jehová paita libachica?

• Canon cuintashca ¿imara yachachin?