Uchayuj ashcamanda tucui huras ursarina anchi manali munaira arcangahua. Munaira mana arcasha Diospa ñaupajpi ali anara chingachishun. Huaquinguna Yaya Diosta mas llaquina randimanda maibi causanara, micunara, churarinara mas munasha llaquinun. Shujcuna Jehová mandashcaunara mana iyarisha, manali munaira charisha tacarinun (Ro 1:​26, 27). Huaquinguna shujcunara cushiyachingaj paigunara chasquichu runauna munashcara ruranun (Éx 23:2).

¿Imasnara ñucanchi munaigunara arcana ushanchi? Diospa munashcara rurangahua astaun mas ursarina anchi (Mt 4:4). Shinallara ñucanchi munaigunara arcangahua Jehová Dios yanapachu rugana anchi. ¿Imarasha? Jehová yachan ñucanchihuaj imara ali an shinallara ñucanchi ali munashcaunaras cunga (Sl 145:16).

TABACURA CHUPANA CANDA HUAJLICHINA USHAN VIDEO RICUSHCA HUASHA, CATIJ TAPUIGUNARA CUTIPAI:

• ¿Imarasha huaquin runauna tabacura chupanun?

• ¿Imara ñucanchira tucuna ushan tabacura chupajpi?

• ¿Imarasha manali an tabacura chupana, shujta aparatogunahua chupanas? (2Co 7:1).

• ¿Imasnara manali ruranara mana chasquina shu rai saquinas ushangui?