Bibliamanda yachaujcuna Jehová Dios ñaupai ali angahua paiguna quirinaras shinzhiyachina anun (Heb 11:6). Cushihua causai nishca libro yanapanmi shunguma pactangaj. Ali textoguna, intindichij iyaiguna, ali iyachij tapuiguna, sumaj fotoguna, videogunas charin. Yachaujcunara ali quirijcuna, Diospa ali amigo tucungaj yanapajpi paiguna quirina mana ima huras tucuringachu (1Co 3:12-15).

Diosta mana ricuna ushashcamanda, Diospa amigo tucuna ushanara huaquinguna mana quirina ushanunzhu. Chiraigu Jehová Diosta ali ricsichu, quirichu yanapana anchi.

“CUSHIHUA CAUSAI” NISHCA LIBROHUA JEHOVÁ DIOSPI SHUJCUNA QUIRINARA SHINZHIYACHI VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara yachanchi cai pani Bibliamanda yachachingaj ali purunturishcara?

• ¿Ima mas ali tapuigunara cai pani rurarca Isaías 41:10, 13 leashca huasha yachauj pai iyashcara cuintachu?

• ¿Imara sintichica yachaujta videora ricuna, textora leanas?

Ashca runauna mana intindinun Jesús quishpichinara o mana ricunun imasna Diospa partimanda cuyashca ajta (Gál 2:20). Chiraigu Jesuspa sacrificioi quiringaj yanapana anchi.

“CUSHIHUA CAUSAI” NISHCA LIBROHUA JESUSPI SHUJCUNA QUIRINARA SHINZHIYACHI VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara yachanchi cai huauqui Bibliamanda yachachingaj ali purunturishcara?

• ¿Imasnara ali utilizaca “Ricungui” nishca partira yachaujta yanapangaj?

• ¿Imarasha oracionda rurana yapa ministishca an?