Tucurina punzha mas mayanllamujpi ashca problemaguna, guerraguna, macanunaunas tianga (Ap 6:4). ¿Imara rurana ushanchi purunturishca angahua?

• Camba quirinara shinzhiyachingaj purunturi. Iyari Bibliamanda iyaigunai, cuintashcaunai canda yanapachu Jehovapi paihua organizaciombi mas quiringaj shinallara ama shujta manali ruraigunais satiringaj (Pr 12:5; jr-S 125, 126 párrs. 23, 24). Ali sirtu amigogunara congregaciombi charina cunami ministirishca an (1Pe 4:​7, 8).

• Ima ministishcaunara puruntuchi. Huasimanda mana llucshina usharijpi ministishca tupu micunara huacachingui. Maima rinara purunturi. Camba mochilai huacachishcara taripasha ricungui, ama cungaringui chibi huacachingaj guantes, mascarilla, cullqui. Ancianoguna numerogunara charingui, camba numeroras cungui (Is 32:2; g17.5-S 3-7).

Llaqui pasaushcai ama cungaringuichu Diospa Shimimanda yachasha catinara (Flp 1:10). Ama yangamanda maitas ringuichu (Mt 10:16). Can charishcaunara shujcunama cuyangui (Ro 12:13).

¿IMASNARA PURUNTURISHUN LLAQUIUNA TIAJPI? VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara Jehová ñucanchira yanapana ushan cungaimanda llaqui pasaushca ucui?

• ¿Imara rurana ushanchi purunturishca angahua?

• ¿Imasnara shujcunara yanapana ushanchi?