Diospa Shimira yachachinai, Jesús chi timpui pasashca noticiagunamanda rimaca (Lu 13:​1-5). Shinallara can cunalla pasashca noticiagunamanda rimana ushangui runauna mas munanuchu Diospa Reinomanda yachangahua. Causangahua shinzhi tucushcamanda, macanunamanda, llaqui pasanamanda, drogaguna upinamanda, shujta temagunamanda rimashca huasha shu ali tapuira rurana ushangui. Casna tapuna ushangui: “¿Iyaringuichu shu punzha cai tucuringachu...?”, “¿Imara rurana an cai tucuchingahua...?”. Huasha rimashca temamanda shu textora leangui. Mas yachangaj munajpi shu videora ricuchi, yachachingaj yanapaigunamanda shu publicacionda cuna ushangui. Runauna shunguma pactangaj ursarishun shinallara tucuira rurashun “evangelio ali shimira llaquishcaraigumanda” (1Co 9:​22, 23).

Ñucanchi causaushca lugarbi runauna ¿imamanda mas yachana munanun?