“Jehová paihua runaunamanda yapa cushi sintirinmi” (Sl 149:4). Ñucanchi uchayuj ajpis Jehová Dios ñucanchi ali ruranaunara, ñucanchi huasha ali rurangaraushcaunaras ricunmi. Shinajpis huaquimbi ñucanchimanda mana ricuna ushanchi Jehová Dios ricushcasna. Shujcuna imasna ñucanchira ricushcasna o ñucanchi ñaupa pandarishcaunamanda mana valij shina sintirinchi o Jehová Dios ñucanchira llaquichu mana valinzhu nisha iyanchi. Can casna sintishcai ¿imara yanapanga?

Iyari, Jehová Dios mana ricunzhu runauna ricushcasna (1Sa 16:7). Jehová Dios ñucanchira ricushcai pai ricunmi ñucanchi mana ricungaj ushashcaunaras. Caita intindingahua Diospa Shimi yanapanmi Jehová Dios ima ricushcara yachangaj. Huaquin textogunara, cuintashcaunara leasha intindingaraungui masna Jehová Dios paita sirvijcunara llaquishcara.

CAMBA SHUNGU UCUI JEHOVÁ SIRTU LLAQUISHCARA QUIRI VIDEORA RICUSHCA HUASHA, CATIJ TAPUIGUNARA CUTIPAI:

• Callpaj runa paihua yayahua rurashcauna ¿imara yachachin Jehová ñucanchira ricushcamanda?

  Respuesta

• Atun uchara rashca asha Jehovahua amigo tucungaj alichishas ¿imasnara Diospa ñaupai sirtu pacha camba shungüi ali sintiringaj rurana ushangui? (1Jn 3:​19, 20).

  Respuesta

• ¿Imasnara shu huauquira yanapaca Davidmanda Jehosafatmanda cuintashcara leana, iyarinas?

  Respuesta