IMARASHA VALISHCA AN. Bibliamanda yachachina telefonomanda ali tunu an “evangelio shimira rimasha” catingahua (Ras 20:24) *. Yanapanmi Bibliamanda yachachingaj huaquimbi ima tunus pasaushcamanda huasii mana tupana ushashcai.

CASNA RURAI

• Purunturi. Ajllai shu valishca temara. Huasha quillcai maican iyaiguna can rimana munashcara. Shinallara runa illajpi purunturi ichilla cuintarinara imarasha cayangui nisha grabashcara uyachu. Ali anma mesai quillcara charichu shuj ministishca cosasgunara, imasna shu celular JW Library^® o jw.org^® ricurishcara.

• Cungailla ai. Can cuintallara rimai. Asisha cuintai chi runa camba ñaupajpi ashca cuinta. Mana yanga shayarisha rimai. Ali anma can shujcunahua Bibliamanda yachachichu. Chi runa tapujpi tapuira shinzhi shimihua rimai canda cumpañaj yanapachu cutipaira tupangaj.

• Puruntushca ai cuti pasiangaj. Runa mas yachangaj munajpi, shu tapuira saqui cuti cayashcai cutipangaj. Shu publicacionda cuna ushashcara rimai correoibi, Internet partimanda o manasha ñahuipura tuparishcai. Shinallara shu video shu quillcashcara cachana ushangui mensaje o correo electrónico partimanda. Ali ajpi ñucanchi página Internetpi imaras ricuchu rimana ushangui.