ALI YACHACHIJCUNA TUCUSHUNCHI | BIBLIAMANDA YACHACHINAI CUSHIYAI
Bibliamanda yachaujcunara yanapai paigunallara mas yachangaj
Bibliamanda yachaujcuna Jehová Diosta alira ricsingaj ñaupajma catingaj, ansalla yachachishcallahua mana saquirina anun (Mt 5:3; Heb 5:12–6:2). Paigunallara Bibliamanda yachangaj yachana anun.
Pundamanda cangunahua yachaujcunara yachachina anguichi imasna yachaushca publicacionda purunturinuchu (mwb18.03-S 6). Intindichichi ashca valishca an manara sapalla Bibliamanda estudiashcallaira Yaya Diosta mañangaj. Yanapaichi imasna ñucanchi tiaj publicaciongunara utilizangaj shinallara Internetpi ñucanchi página jw.org, JW Broadcasting® tucui huras llucshishcaunara ricungaj. Animaichi caran punzha Bibliara leanuchu, tandarinaunama shamungaj purunturinuchu, tapuigunara charisha paigunallara mas yachachishcaunara mascanuchu. Shinallara tucui paiguna yachaushcara ali iyarisha riparasha catingaj.
BIBLIAMANDA YACHAUJCUNARA YANAPASHUN PAIGUNALLARA MAS YACHANGAJ VIDEO RICUSHCA HUASHA, CATIJ TAPUIGUNARA CUTIPAI:
-
¿Imasnara Rita Sachara intindichica yachanaga mana cutipashcaunallara tupangaj ashcara?
-
¿Imara Sachara yanapaca ali intindingaj Jehová mana munan ñucanchi tacarina uchaunara rurangaj?
-
Cangunahua yachaujcunara yanapaichi ima yachaushcara alira intindingaj, paiguna causaibi pactachingaj.
Sacha ¿imara intindica ali iyarisha riparanamanda?
