Paniuna ashcara tarbanun Diospa Reinomanda (Sl 68:11). Ashcara yachachinun Bibliamanda shinallara ashcauna precursoras regulares cuinta sirvinun. Huaranga paniuna Betelbi tarbanun, misioneraguna cuinta, tandarina huasiunara shayachinun, shuj shimima pasachisha tarbanun shinallara ali shunguyuj huarmiuna paiguna aillu ucui, congregaciombi ashcara yanapanun (Pr 14:1). Paniuna shu anciano, siervo ministerial cuinta mana sirvina ushashaga shuj metaguna churana ushanunmi. Chiraigu can shu pani asha ¿imara mas rurana ushangui Jehovamanda?

• Mas ali Diosta sirvij tucuna (1Ti 3:11; 1Pe 3:​3-6).

• Ansalla yachaj paniunara yanapana (Tit 2:​3-5).

• Bibliamanda mas yachachina shinallara mas ali rurana.

• Shuj shimira yachana.

• Ministishca partiunama rina yachachingaj.

• Betelbi sirvina, tandarina huasiunara shayachina.

• Evangelizadores del Reino nishca Escuelama ringaj shu solicitudta undachina.

HUARMIUNA SEÑORDA SIRVISHA TARBAJCUNA VIDEO RICUSHCA HUASHA, CATIJ TAPUIRA CUTIPAI:

• ¿Imasnara canda animachinuca cai paniuna?