Cai manali mundura Jehová tucuchingaj ansalla pishin. Tucuchina huras panda religionguna tucuchishca anunga, shu huangurishca muntun llactauna Diosta sirvijcunara tucuchingaj munanunga shinajpi tucui manali runaunara Jehová tucuchingami Armagedón guerrai. Cai manzhanaita pasaigunara tucuiguna chapaunchi.

Atun turmindarina timpu shamunara tucuira mana yachanchi. Ima punzha shamunara mana yachanchi. Mandajcuna imamanda religiongunara llaquichingaraushcara mana yachanchi. ¿Masna timpu Diospa llactara llaquichinunga, imasnara anga? Armagedón guerrai manaliunara tucuchingahua ¿imara Jehová ruranga? Mana yachanchichu.

Huasha punzhauna pasanaunamanda mana manzhana anchichu, Diospa Shimi ñucanchi ima ruranara yachachishcamanda mana manzhai charingahua. Caitami yachanchi “puchucai timpuunai” tucurina partii causashcara (2Ti 3:1). Shinallara yachanchi religiongunara turmindachina timpu ‘curuyachishca’ anga ali religión ama tucuchishca angaj (Mt 24:22). Astaumbas yachanchimi Jehová paihua llactara quishpichingaraushcara (2Pe 2:9). Shinallara Jehová ajllashcami ali shungu, ushai charijta manaliunara tucuchingaj, ashca atun muntun runaunara Armagedombi quishpichingahuas (Ap 19:​11, 15, 16).

Caiguna pactarijpis manzhaimanda “runauna dismayarinaungami” (Lu 21:26). Randi ñucanchi mana. Ñaupa Jehová paihua llactara imasna quishpichishcara leasha iyarisha, huasha punzhauna tucunaunara rimashcaunara yachasha Lucas 21:28 rimashcara rurangaraunchi: “Shayarichi, umara atarichichi, cangunara quishpichina ña mayanllami”.