Atalía tucui rey huahuaunara huanchica Judá llactai pai reina tucungahua (2Re 11:1; it-1-S 246; ricungui “‘Acab aillumanda tucuiguna huañunungami’ [2Re 9:8]” nishca partii).

Jehoseba, rey Ocozías churi Jehoasta miticuchisha quishpichica (2Re 11:​2, 3).

Atun apu sacerdote Jehoiadá, Jehoasta rey rurarca shinallara manali shungu Atalía nishcara huanchingaj cachaca, cai huarmi Acabmanda puchucai mirai ashcangachari (2Re 11:​12-16; it-1-S 247 párr. 1).

IYARINGAJ: ¿Imasnara cai cuintashca Proverbios 11:21; Eclesiastés 8:​12, 13 rimashca sirtu ashcara ricuchin?