JESUSTA CATISHA CAUSASHUNCHI
Malta, ¿Jehovachu camba sirtu amigo?
¿Ima tunu amigo tupana munangui? Maicambi mascaungui chuyaj shungu, ali shungu, cuyaj shungu charichu. Jehová Dios shinami an (Éx 34:6; Ras 14:17). Pai uyanmi can paita mañaushcai, shinallara tucui huras can ministishcai yanapanmi (Sl 18:19, 35). Astaumbas, can pandarishcai pai perdonanmi (1Jn 1:9). ¡Jehová Dios ali amigo an!
¿Imasnara Diospa amigo tucuna ushangui? Bibliara leasha paita ricsingui, paihuajpi quiringui (Sl 62:8; 142:2). Jehová Dios ima valichishcara, can shinallara valichishcara ricuchingui, imasna paihua Churira, paihua Reinora, paihua rimashcauna shamuj punzhaunamandas. Shujcunara Jehovamanda rimangui (Dt 32:3). Can Jehová Diospa ali amigo tucujpi, camba amigo angami huiñai huiñaigama (Sl 73:25, 26, 28).
MALTAUNA: “CAMAICHI RICUICHI JEHOVÁ ALI SHUNGU ASHCARA” VIDEO RICUSHCA HUASHA, CATIJ TAPUIGUNARA CUTIPAI:
-
¿Imasnara purunturina ushangui Jehová Diospajma mingarisha bautisaringahua?
-
¿Imasnara congregacionmanda huauqui paniuna canda yanapana ushanun Jehová Diosta mas ali sirvingahua?
-
¿Imasnara Bibliamanda yachachinara yanapana ushan Jehová Diosma mas mayanllayangahua?
-
Jehovahuaj amigo huiñaigama tucuna ushangui.
¿Ima bendiciongunara charingaraungui Jehová Diosta mas sirvishcamanda?
-
¿Imara mas gustangui Jehová Diosmanda?
