Jesús rimaca “Dios mandana pacha ali shimira”, shinallara runaunara yachachica chi Reinomanda mañangaj (Lu 4:43; Mt 6:​9, 10). Noviembre quillai mas ursaringaraunchi Diospa Reinomanda rimangaj (Mt 24:14). ¿Imarasha mana purunturinchi tucui ñucanchi ushashca tupu cai campañaibi yanapangahua? Chi quillai precursores auxiliares 30 o 50 horasgunalla rurana ushanunga.

Cai campañaibi Diospa Reinomanda rimashca textora ursaringui tucui runaunara leangahua. Shu textora Bibliamanda ajllashcai iyaringui can causashca lugarbi tiaj runauna imara quirinun. Punda cuintarishcai shu runa ali uyajpi La Atalaya revistara número 2 del 2020 cungui (edición para el público). Huasiyuj runahua uctalla cuintangaj tigrangui, shinallara shu Biblia yachachinara callaringaj ursaringui shu publicacionhua yachachingaj yanapaigunamanda. Ansalla timpu pishin Diospa Reino tucui runa gobiernogunara tucuchichu (Da 2:44; 1Co 15:​24, 25). Chiraigumanda ashcara ursarishun cai sumaj campañaibi Jehová Diosta paihua Reinoras chuyaj shungura charishcara ricuchingaj.