Jehovahuaj testigoguna mingarisha bautisarishcamanda cai valishca cuyashcara charinchi: Tucuira Mandaj Jehová Dioshua ali amigo ana ushanchi. Paihua churimanda paihuajma apamushca (Jn 6:44). Pai uyanmi ñucanchi mañashcaunara (Sl 34:15).

Jehovahua ali amigo tucungaj, ¿imasnara cuirarina anchi? Israelitaguna cuinta mana ali cosasgunara mana rurashun. Jehovahua shu pacto rurashca huashallai, curimanda malta huagra ruranuca, chita paiguna aduranuca (Éx 32:​7, 8; 1Co 10:​7, 11, 14). Tapurishun: “¿Ima rurasha shu tintana shamujpi? ¿Ñuca rurashcaibi ricuchinichu Jehovahua amigo anara valichishcara?”. Ahua pachai tiaj Yayara llaquishcamanda pai chijnishca cosasgunamanda anzhurishun (Sl 97:10).

JEHOVÁ DIOSHUA AMIGO TUCUNARA CUIRASHUN (COL 3:5) VIDEO RICUSHCA HUASHA, CATIJ TAPUIGUNARA CUTIPAI:

• ¿Imara an yapajta munanauna?

• ¿Imarasha anzhurina anchi yapajta munanamanda, yanga diosgunara aduranamanda?

• ¿Ima tunuibi pariju ricurin shujhua tacarina, yanga diosgunara aduranahua?

• ¿Imarasha ministishca an congregación ucuibi caran tarbanara charij ama cungarichu paihua huarmira alira cuirangaj?