JESUSTA CATISHA CAUSASHUNCHI
Cushihua causai publicacionda utilizasha Bibliamanda yachachi
¡Gustumi an shu mushuj librora, folletora charina Bibliamanda yachachingahua! Jehová Diosta mañanchi ñucanchi ursarishcaunara bendiciachu mas runauna paita catijcuna tucunuchu yanapangaj (Mt 28:18-20; 1Co 3:6-9). ¿Imasnara cai mushuj yanapaigunara utilizana ushanchi?
Cai publicaciongunahua Bibliamanda yachachina shuj tunu an, chiraigu ñucanchi imasna yachachinara turcana anchi. Shina yachachingahua, catingui cai yachachishcaunara purunturiushcai: *
-
Quillcashcara leai, tapuigunara rurai.
-
Leai nijpi textogunara leai, canhua yachaujta intindichi textogunamanda.
-
Videogunara churai, huasha publicaciombi tiaj tapuigunara rurai.
-
Caran Bibliamanda yachachinai, intiru leccionda tucuchingaj iyari.
Bibliamanda yachachiushcai, ñaupa punda cai folletora cuna ushangui ricungaj cai runa mas yachana munashcara (ricungui “ Imasna Cushihua causai folletora punda cuintarinai cungahua” nishca partii). Folleto estudianara tucuchishcai yachauj mas yachana munajpi librora cungui, lección 04pi callaringui. Huaquin publicaciongunahua Bibliara ña yachaujpi, cuna Cushihua causai nishca librohua catingui. Can ajllana ushangui ima lecciombi callaringahua.
BIBLIARA YACHANGAJ ALI SHAMUSHCA ANGUI VIDEO RICUSHCA HUASHA, CATIJ TAPUIGUNARA CUTIPAI:
-
¿Imara yachanunga cai mushuj librohua yachaujcuna?
-
¿Imarasha cai videora mushuj yachaujcunara ricuchina angui?
-
¿Ima metagunara churachu yachaujta yachachina angui? (“ Punda iyaiguna, imangaj rurashca caran parti” ricungui).
^ párr. 4 NOTA: Mana ministishca an “Ricungui” partii yachaujhua yachangahua, shinajpi can purunturiushcai tucui chibi tiaushcara ricungui. Shina rurasha, can yachangaraungui canhua yachauj imara mas yachana munanga, imara mas ministinga. Internetmanda llucchisha videogunai shuj quillcashcaunai nitijpi pascarinunga.
|
PUNDA IYAIGUNA, IMANGAJ RURASHCA CARAN PARTI |
|||
|---|---|---|---|
|
LECCIONGUNA |
PUNDA IYAI |
YACHAUJ IMARA RURANA USHAN |
|
|
01-12 |
Ricui imasna Biblia canda yanapanga, imasna Bibliara quillcachijta ricsina ushangui. |
Animai yachauj Bibliara leachu, ñaupalla caran lección purunturichu, tandarinaunama richu. |
|
|
13-33 |
Yachai imara Yaya Dios ñucanchimanda rurashca shinallara ima tunu aduranara pai chasquishcara. |
Yanapai yachauj Bibliamanda shujcunara cuintachu, Bibliamanda yachachij tucuchu. |
|
|
34-47 |
Ricsi Yaya Dios imara munan paita adurajcunamanda. |
Animai yachaujta Jehová Diospajma mingarisha bautisarichu. |
|
|
48-60 |
Yachai imasna Dios llaquiushcai catina ushangui. |
Yachachi yachaujta imara ali an, imara manali an ricusha ñaupajma catichu. |
|
