Cushihua causai libromanda videoguna, iyaringaj tapuigunas yapa sumaj anun. “Runauna casna ninujpi”, “Casna rurai”, “Ricungui” nishca parti yapa valishca anun. ¿Imara mas canda yanapanga Bibliara yachachina huraspi cai librohua? (Mt 28:​19, 20).

Videoguna, quillcashcauna. Copia llucchishca librora utilizajpi ¿maican partii tianzhu ministishca videogunara tupangaj? Ari, edición digital nishca partii icusha chuscu partiunamanda shujta ajllangui. Tucurishca partii “Videoguna, quillcashcauna” botonda tupangui, caibi tucui videoguna enlacegunas caran leccionmanda charin (dibuju 1).

“Edición impresa” nishca partii. Can Bibliamanda yachachiusha edición digital nishcahua, copia llucchishca libro imasna ashcara yachana munasha canda yanapanga “Edición impresa” nishca partima ringaj. Shu lección ucui asha quinsa ricurij puntogunama ringui ali maqui partii, chibi ajllangui “Edición impresa” nishcara. Cai parti canda yanapanga iyaringahua canguna yachaushca imasna parijulla ashcara leccionmanda temahua. Cutillara edición digital nishca partima tigrangaj quinsa ricurij puntogunama ringui, chibi “Edición digital” nishcara ajllangui, manajpi uranii ali maqui partii ricurij botonda nitingui.

“¿Ña purunturishca anichu?”. Cai recuadroguna libro tucurishca partii tian shinallara ministishca mandashca shimiunara pactachingaj tupanchi congregacionhua Bibliamanda yachachingaj bautisaringajpas (dibuju 2).

Notaguna. Notaguna huaquin yachachishcauna temagunamanda mas intindichin. Edición digital nishcai nota tucurina partii shu enlace tian cutillara yachaushca partima tigrangaj (dibuju 2).