Yayauna, canguna Diospa ñaupai huahuauna sabiru iyaira charingaj, yanapaichi tandarinaunai alira uyangaj. Canguna huahuauna ricushcauna uyashcauna, rimashcauna tandarinaunai paigunara yanapana ushanga Jehovamanda mas yachangaj shinallara paihua amigo tucungaj (Dt 31:​12, 13). ¿Imasnara can yanapana ushangui tandarinaunai camba churiuna mas yachangaj?

• Ursari tandarina huasima ringaj (Sl 22:22).

• Ricungui camba huahuauna tandarina ñaupalla, tandarina huashas huauqui paniunahua mas timpu pasangaj (Heb 10:25).

• Ricungui tucui camba aillu publicaciongunara charinuchu tandarinama ringaj (celularbi, tabletaibi, quillcaibis).

• Camba huahuaunara yanapai paiguna quiquin shimihua tandarinai cuintangaj purunturinuchu (Mt 21:​15, 16).

• Tandarinaunamanda alira cuintai shinallara chibi ima yachachishcaunaras.

• Camba huahuaunara yachachi tandarina huasira pichangaj shinallara rucu huauqui paniunahua cuintaringaj.

Huaquimbi yapajta turbarishca sintiringui imasna camba churira yanapangaj Jehová Diosma mayanllangahua iyarisha. Mana sapalla angui, Jehová Dios canda yanapangami (Is 40:29).

YAYAUNA, JEHOVÁ DIOSPI QUIRICHI PAI URSARA CUNGA VIDEORA RICUSHCA HUASHA, CATIJ TAPUIGUNARA CUTIPAI:

• Miguel, Lidia yapajta sambayashca ashcamanda ¿imara pasauca?

  Cutipana

• ¿Imarasha yayauna Jehová Diosta mañana anun ursara mas cungaj?

  Cutipana

• Miguel, Lidia ¿imara ruranuca Jehová mas yanapachu?

  Cutipana